Actualidade | Novas

María Fernández Lourido, directora do departamento de Teleformat de GECA, explicou os hábitos de consumo televisivo dos países europeos.

María Fernández Lourido, directora do departamento de Teleformat de GECA,  impartiu clase sobre o mercado europeo de televisión. Realizou un balance das cadeas analóxicas de televisión en todos os territorios europeos e nun segundo bloque, fixo unha exposición dos formatos de entretemento de maior éxito na última temporada.

Abordou tamén a diferenza entre os produtos audiovisuais doutros países europeos –como Francia, Italia, Holanda, Suecia e Portugal– e España, a través de exemplos reais, e o tipo e duración da programación segundo a franxa horaria e a titularidade da cadea.

Teleformat é o observatorio sobre a programación televisiva internacional e rede de corresponsais en Europa, Estados Unidos, Latinoamérica, Asia e Oceanía. Conta cunha base de datos parametrizada orientada á creación televisiva, á programación, á produción e á adquisición de formatos.