Actualidade | Novas

Paco Poch, productor de Mallerich Films, falou da coprodución internacional en proxetos televisivos.

Paco Poch, produtor de Mallerich Films, abordou a coprodución internacional de produtos para televisión. Fixo unha análise de cada un dos apartados que interveñen nun acordo de coprodución para a explotación dunha obra televisiva, entre os que se atopa a duración do contrato, as condicións de colaboración, as obrigas de cada unha das partes e a comercialización da obra.

Poch produciu diversas longametraxes e documentais televisivos, como La Leyenda del Tiempo e Cravan vs Cravan, de Isaki Lacuesta, Innisfree, de José Luís Guerin, Gaudí, de Manuel Huerga e Durruti (coproductor), de Jean Louis Commolli e exerceu de manager cultural en diferentes campos.

Na actualidade é produtor de cine e televisión de Mallerich Films e management cultural e consulting de FIPA (Festival Internacional de Programes Audiovisuals en Biarritz), Pierre Cardin e do Festival Europeo Memorimage (consello asesor).

Mallerich Films é unha produtora cinematográfica e televisiva catalá, propiedade de Paco Poch. Entre os títulos desta compañía se atopan as longametraxes La Campanada, de Jaime Camino e Navajeros, de Eloy de la Iglesia, e a tv movie Tempus Fugit, de Enric Folch.