Actualidade | Novas

Lluís Miñarro, propietario da produtora Eddie Saeta, falou da coprodución internacional de cine.

Lluís Miñarro, propietario da produtora Eddie Saeta, informou aos alumnos das características e condicións que cada territorio establece á hora de negociar e das diferenzas entre coproducir unha película comercial a unha de autor.

Miñarro leva máis de dez anos dedicado ao cine de autor. Produciu ata o momento un total de catorce películas. Todas elas longametraxes independentes que representaron a España nos distintos festivais internacionais. Destacan títulos como Cosas que nunca te dije (Isabel Coixet, 1996), que participou na sección Panorama do Festival de Berlín; Las manos vacías (Marc Recha, 2003), proxectada na sección Un Certain Regard del Festival de Cannes; e En la ciudad de Sylvia (José Luís Guerín, 2007), que competiu na Sección Oficial do Festival de Venecia e obtivo o Premio “Bisato de Oro” da Crítica.

Eddie Saeta é unha compañía de produción audiovisual catalá especializada en ficción e documentais de creación e que iniciou a súa andaina en 1989. Produciu diversos títulos que teñen en común o seu interese polo cine de autor e os valores artísticos.