Actualidade | Novas

Aránzazu Soler, avogada do Despacho Sánchez Pintado & Núñez, foi a encargada de finalizar a III edición de CICA.

Aránzazu Soler, avogada do Despacho Sánchez Pintado & Núñez, tratou a distribución internacional de obras audiovisuais desde o punto de vista legal, para o que fixo un balance dos principais elementos dun contrato de compra e venta internacional.

Soler exerceu como avogada, principalmente nas áreas de Propiedade Intelectual, Dereito Audiovisual e Dereito de Honor, nos departamentos de asesoría e de procesal do Despacho Suárez de la Dehesa Abogados. En representación deste Despacho, desempeñou servizos de asesoría na sede da Entidade de Xestión de Dereitos dos Produtores Audiovisuais (EGEDA). 

Impartiu clases de Propiedade Intelectual en escolas de cine, como na Escola de Artes Audiovisuais (EAV) desde 1996 ata 2000, e en Septima Ars desde 2001 ata o 2008. Actualmente forma parte do equipo de Abogados Sánchez Pintado & Núñez, onde continúa desenvolvendo a súa labor profesional nas mencionadas áreas.

Con esta sesión o Curso de Posgrao en Comercialización Internacional de Contidos Audiovisuais pon fin á súa III Edición, á que acudiron ao longo do curso máis de trinta profesionais do sector, pertencentes ás principais produtoras e axencias internacionais de cine e televisión.